Nhas palabras é onda kansadu
Lambuja na areia, rekua di mansu
Tão krenti na volta ki nem spuma ta fazi
Nha deseju é mar prendi sé rispiraçon
Céu diskompassa som
Areia perdi cor…
Nhas palabra é terço ki ka rezadu
Lumiadu abensuadu disprezadu
Tudo el oraçon ki ka papiadu
Nha sperança é milagre toma diantera
Spritu santu dixi nha bera
Nha corpo bira bu igreja
Nhas palabras é fidju bastardo
Conxidu ma ka reconhecidu
Nascidu do proibidu
Nha sina é ranasci di nha cinza
Vive di deseju
Morri di sperança
5 comentários:
Missed you...
Nude
:) voltei, igual bicho preguiça mas voltei... bjs
Ess ê kê jejum mnininha... quase um mês sem postar?? Please, post.
Abraço
Nude
lindo Lay. Ka bu perdi, manti sempri.
Bjs
TID
Eu sei... eu sei... tava de féria pq moura moderna tira féria a cada 3 anos mas coisitas estão na fornalha gente do bem.
Nude, tenho saudades... já agora sabendo de aulas de gestão do tempo me avisa ok?
Tide bali sempri desdi sempri
Enviar um comentário