Kaprin di memória bu lembransa
Kai na mar largu ki é sodadi
Na dibrua es sentimentu ki mi
Taná
Npensaba djan libraba
Djan ensaiaba palavras, falas
Sorrisus kontadus
Gestus mas spaçadus…
Bu txiga, nha juízo ausenta
Bu surri, ndisorienta
Ka é por si só
Na bus odju reflexu du ki nfoi
Kel mi di un bes
Kel mi disparcida
Ki ntenta suicida
Ami ki ta kreditaba ser livre
Nunka nstive na otu kau
Ki ka na bu olhar
